صورة ........... و سؤال ........

بسم الله الرحمن الرحيم

ادخل في الموضوع على طول ....


بعد موضوعصورة و تعليق .... وصورة و تعريف ( الي انا شايف انه مهم جدا لحديثي التخرج ) ...... قولت يالا خربانة خربانة .....قولت لنفسي انزل يا باشا بصورة و سؤال ( انا عارف ان في ناس هاتقولي يا عم خلص المواضيع الي عليك زي الشوب دروينج و الريفت ...... اقوله عديها يا كبير .... و ان شاء الله هاخلص ...... يدينا و يديك طولت العمر ...)


ايه حكايةصورة و سؤال ؟

ده من عنوانه هانزل صورة و عليها تلات اربع اسئلة و استفهامات .....و هاسأل و سيادتك هاتجاوب .....( ده بيعمل refreshment لمعلوماتك ..... و كمان بيفيد حديثي التخرج جدا و كمان المعلومة بتوصل العقل اسرع لارتباطها بسؤال و صورة كمان )



طيب ايه الفائدة :



بص يا سيدي....

1- انا بقابل ناس في المواقع خبرة عشرميت سنة و عاملنيلي فيها مديرين و هو مش عارف حاجات في السيستم و كمان مكسوف يسأل .... علشان البرستيج ..... فسيادتك هاتتعلم من اللعبة دي افضل ما تحط نفسك في مواقف بايخة




2- المنتدى الجميل ده مليان بمواضيع التصميم الي اغلب مهندسين التنفيذ مش بيحتاجوها ( مع اهميتها و ضرورة تعلمها ) خاصة في دول زي مصر ( المصمم بيصمم بس و و التنفيذ بينفذ بس ) ..... فقولت خلينا احنا نركز على مواضيع التنفيذ



3- للاسف في ناس بقالها خمس ست سنين شغالة فيمكتب استشاري .... فين و فين لما بينزل موقع .... الباشا ده عنده مشكلة كبيرة مش هايحس بيها دلوقتي ..... هايحس بيها لما يبقى مدير و صانع قرار ... فانا هاحاول انزله الموقع ( الافتراضيي ده )





طيب هانتفق على كام حاجة :


1- ما تتكسفش تجاوب .... صدقني ما حدش هايضربك بالنار لو غلطت .... بالعكس المعلومة الي انت بتغلط فيها في الاغلب ما بتنسهاش طول العمر


2- المطلوب من الموضوع ان سيادتك تبتدي تدور على الاجابات على النت .... علشان تتعلم و انت و بتدور


3- مش لازم انا اجاوب و احط الاجابة النموذجية ..... الاجابة منكم انتوا و التصحيح برضوا منكم


و نبتدي على بركة الله ....


IFTTT

Put the internet to work for you.

Delete or edit this Recipe


ليست هناك تعليقات:

إرسال تعليق